DAGA CIKIN MATSALOLIN HOTO:


A shar'ance: Manzon Allah (Sallallahu 'alayhi wasallam) yana cewa: 


"أشد الناس عذابا يوم القيامة المصورون، يقال لهم: أحيوا ما خلقتم"


"Lallai mafi shan azaba a cikin mutane ran kiyama sune masu yin hoto, za'a ce dasu ku sanya rai ga ababen da kuka halitta" (Al- Albani ya inganta shi a cikin Saheehu al- Jaami' 999).



A duniyance:  'yan kidnapping suna tara hotunan mutane suna bin su daya bayan daya suna tafiya dasu, musamman wa'yanda suke daukar hotunan su a wajajen cinikayyar su ko ofis din su ko wurin bukukuwan su, daga bisani su dora a kafafen sadarwa, ku sani ana muku ruwan comments kuma kuna burge ire-iren ku, amma kuma kuna bude ma kawunan ku kofofin matsaloli kala-kala na daya wanda shi ne yafi hatsari : shiga mafi matsananciyar azabar Allah, na biyu kuma wanda tun a duniya ne: akwai:


1) illar idanun masu hassada da 'ainu, akwai wani idan har yaga abu mai kyau ko yaga mutum mai kyau idan har ya yaba sai bala'i ya sauka ga wanda ya yaba din, wani ma yakan fadi ya mace, wani kuma yakan kamu da matsananciyar cuta. 


2) Masu kidnapping suna tara hotuna kamar yadda bayani ya gabata, wannan ma bala'i ne tun a duniya. 


3) Yaduwar zinace-zinace: ya kai mai kyau, ka sani a lokacin da kake sanya hotunan ka a social media kana sanya wasu matan cikin fitnah, yake mai kyau ki sani a lokacin da kike sanya hotunan ki a social media kina sanya wasu mazajen cikin fitnah, wanda hakan hanya ce mai kaiwa i zuwa ga sabon Allah, inma dai tare da mai sanya hotunan ta hanyar firar sirri a tsakani, ko kuma wasu na daban idan hakan ya ta'azzara. Akan samu wa'yanda suka zalunci kawunan su cikin wa'yanda shedan ya kada kararrawa suka bishi sau da kafa, suna bin 'yan mata har ma da matan aure, ko matan su biyo mazajen zuwa unguwanni ko garuruwa domin sada haramtacciyar zumunta wacce shedan ya zayyana musu, daga nan kuma sai a shiga aika-aika (aikin Allah wadai), wanda wannan yana rusa gidaje, yana raba aure, yana sabbaba cututtuka, da rashin kwanciyar hankali, yana sabbaba gaurai-gaurai da cakudedeniya tsakanin 'ya'yan halal da 'ya'yan Allah kyauta. Dukkan wannan asalin sa yana komawa zuwa ga yaduwar hotuna da kalaman so tsakanin maza da mata a social media. 


A takaice; jama'a koda babu wata cutarwa ta zahiri da ido yake gani kunnuwa suke sauraro, a sani cewa idan Manzon Allah -Sallallahu 'alayhi wasallama- yayi hani daga wani abu mu san hikimar haka ko kar mu san hikimar sa, illolin sa su bayyana ko basu bayyana ba, wajibi ne mu nisanci wannan abun domin babu alkhairi a cikin sa. 


Bamu da karfi bamu da dabara sai ga Allah! 


أمين ثالث يعقوب 

15 / 11 / 1442

25 / 06 / 2021

تعليقات

إرسال تعليق

المشاركات الشائعة من هذه المدونة

صورة
RABA NI DA BONONO RUFIN KOFA DA BARAWO ! (01) - Hassan Al- Banna shine ya assasa kungiyar Ikhwan wanda shi ya mutu tun shekarar turawa na alif da dari tara da arba'in da tara (1949) kawo yanzu yana da shekaru saba'in da daya (71) a kasa . - Wannan kungiya ci gaba ne ga fikirorin khawarijawa (bayanai zasu fito in sha Allah) kuma tana da tarbiyya ne ta Sufaye tare da tsare-tsare na kungiyanci na siyasa, a karon farko ta bayyana ne ba tare da fitowa a rigar Sunnah ba, wanda hakan ya sa mutane da yawa basu karbe ta ba, bal sunyi inkarin ta musamman a yankunan Saudiyyah, Bahrain, Qatar, Kuwait, Imarat, Oman.. Musamman saboda rashin lazimtar su ga Sunnah! - Sai dai ta samu karbuwa a tsakanin wayayyun 'yan Boko zalla haka kuma 'yan inna rududu daga cikin gama-garin mutane sun tasirantu da ita (ja ya fado ja ya dauka kenan!). - Daga cikin ababen da suka yaudari mutane dashi shine bayyanar da yaki da Yahudawa abokan adawa (Zionist), tare da rufe kofar martani ga ...
قراءة المزيد
MAGANA AKAN 'YAN BID'AH DA MASU KARKATACCEN MANHAJI BA GIBA (GULMA) BACE  ❁❁❁❁❁❁       ــــــ ❁❁❁❁❁❁ ـــــ       ❁❁❁❁❁❁ Fatawar Shaikh Muhammad Bin Sāleh Al- Uthaymeen (Allah ya jikansa) : ❍ الشيخ محمد بن صالح العثيمين : السّـؤال : الكلام في أهل البدع ، مثل أن يقال مثلاً: أنهم يؤولون الآيات والأحاديث، ويقولون: يفعلون كذا وكذا.. أيعتبر هذا غيبة إذا كان بين الطلبة ؟ Tambaya: Magana akan 'yan Bid'ah, kamar misali ace: sunayin tawilin ayoyi da hadisai, kuma suna aikata kaza da kaza, shin wannan ana daukarsa giba (gulma) ce in ya kasance a tsakanin dalubai ne? »» الجواب: الكلام في أهل البدع ومن عندهم أفكار غير سليمة أو منهج غير مستقيم، هذا من النصيحة وليس من الغيبة ، بل هو من النصيحة لله ولكتابه ولرسوله وللمسلمين ، فإذا رأينا أحداً مبتدعاً ينشر بدعته ، فعلينا أن نبين أنه مبتدع حتى يسلم الناس من شره ، وإذا رأينا شخصاً عنده أفكار تخالف ما كان عليه السلف فعلينا أن نبين ذلك حتى لا يغتر الناس به ، Amsa: Magana akan 'yan Bid'ah da ma...
قراءة المزيد

MADAKHILAH?!

صورة
 *SO DA DAMA MAI DA'AWAR NEMAN GASKIYA DA ADALCI YANA AUKAWA CIKIN TAFARKIN AZZALUMAI BA TARE DA YA SANI BA!* So tari zakaga mutane masu son addini da adalci ga bayin Allah, sai suyi rashin dace sai su auka tarkon mabarnata fasikai basu sani ba, yana da kyau ya kai mai amfani da Facebook, ko mai neman gaskiya, ya kasance da gaske gaskiyar kake nema, ba yawan mabiya ko masu yin muwafaka da ra'ayin ka kake nema ba, ya kasance gaskiya ce abar neman ka, kuma da gaske, ka saki ta'assubanci, domin duk mai son ya zama "Salafi" (ma'abocin Sunnah na gaskiya) to sai ya yakice rigar ta'assubanci ya wurga wa shedan kayan sa, domin ta'assubanci ba tufafin mumini bane, kuma wuyan rigar gaskiya da adalci tayi kunci ga fasikai masu bada kariya ga 'yan Bid'ah da son zuciya. Idan ka gane wannan, zaka ga marubuta da yawa masu da'awar su ma'abota Sunnah ne, wani ma zakaji yana cewa shi mabiyin Tafarkin Salaf ne, zaka dinga cin karo da maganganun Ibnu Taimi...
قراءة المزيد