KOMAWA GA ALLAH SINADARIN SAMUN ZAMAN LAFIYA

 KOMAWA GA ALLAH SINADARIN SAMUN ZAMAN LAFIYA


Allah madaukaki yana cewa:


وَإِذْ قَالَ إِبْرَاهِيمُ رَبِّ اجْعَلْ هَٰذَا الْبَلَدَ آمِنًا وَاجْنُبْنِي وَبَنِيَّ أَن نَّعْبُدَ الْأَصْنَامَ [ابراهيم : 35]


Kuma ka tuna Ibrahim a lokacin da yake cewa : ya Ubangiji ka sanya wannan gari ya zama amintacce kuma ka nisantar dani da 'ya'ya na daga bautar gumaka (Ibrahim: 35).



Annabi Ibrahim -Alaihi al- Salām- yayi addu'a ya roki Allah a kan cewa ya amintar da haramin Makkah kuma sannan ya nisantar da shi da 'ya'yan sa daga bautar gumaka, lallai duk wanda yake neman zaman lafiya da aminci na rayuwar duniya harma da ta lahira to dole ya roki Allah shi kadai, kenan ana rokon ne ga Allah shi kadai, ba'a rokon wanin Allah abin da babu mai iya bayarwa sai Allah, yin haka shirka ne fada ne da Allah din, kuma babu wanda ya isa yayi fada da Allah bare yai nasara, sannan bayan an samu zaman lafiyar kuma to babu abin da zai wanzar da wannan zaman lafiyar ya samu dorewa a samu facakar tattalin arziki, a samu natsuwa birni da kauye tudu da teku, a daina shakkar 'yan fashi da barayi masu sace mutane, a daina shakkar duk wani azzalumi, to hakan bata samuwa sai in an tabbatar da bauta ga Allah shi kadai bashi da abokin tarayya, idan ko aka kuskure aka yi shirka aka dogara ga wanin Allah to Allah zai dauke wannan ni'mah zai mayar da wahala a madadin ta, shi yasa Tauhidi shi ne silar samun zaman lafiya, shi ne mabudin ayyuka na kwarai, kamar yadda shirka kuma ita ce silar gushewar zaman lafiya da duk wani sharri a duniya da lahira. 


Na rantse muku da Allah in dai har ana shirka ana cin riba ana neman yaki da Allah ba za'a taba gani da kyau ba. 


In muna so duniyar mu da lahirar mu suyi kyau to mu koma ga Allah mu bauta masa shi kadai mu tsayar da dokokin sa a kan mu, mu tsayar da adalci a kan masoyin mu da makiyin mu, mu guji mafi munin zalunci shirka da shauran sabon Allah da zaluntar na kasa damu da na sama damu, mubi Sunnah mu jibinci ma'abotan ta, mu nisanci bid'ah da makirayan ta, mu saurari taimakon Allah. 


Wallahi duk abin da bawa ya shuka shi zai girbe, in ka shuka alkhairi zaka girbi alkhairi, in ka shuka sharri sharri zaka girbe. Allah baya zalunci kuma ya haramta zalunci ga kan sa kuma ya haramta shi ga dukkan bayin sa. 


Ku tsaida adalci mafi girma Tauhidi, kubi Sunnah kuyi ma kan ku adalci, tare da yin adalci a tsakanin ku. Ku saurari taimakon Allah,  amma in har yanzu baku yarda ba, kuna sauraron taimakon wani shugaba ne da zai zo nan da shekara biyu ya fitar daku daga mawuyacin hali zuwa hali na jin dadi, wai ya fitar daku daga tarzoma zuwa zaman lafiya, wai ya fitar daku daga talauci zuwa arziki, wai ya fitar daku daga tashin farashin kaya zuwa arahar kaya, to har yanzu baku farka daga dogon suman ku ba, kuma har yanzu baku san menene zaman lafiya da hanyoyin samun sa ba, baku san fitintinu da hanyoyin fita daga gare su ba. 


Madalla da bayin da suke gane kuskuren su su koma ga Allah rayayye tsayayye, tir da masu ta'llaka jin dadin su ga 'yan uwan su halittu masu rauni, masu zaluntar kawunan su. 


أمين ثالث يعقوب 

13 / 05 / 1443

18 / 12 / 2021

تعليقات

إرسال تعليق

المشاركات الشائعة من هذه المدونة

صورة
RABA NI DA BONONO RUFIN KOFA DA BARAWO ! (01) - Hassan Al- Banna shine ya assasa kungiyar Ikhwan wanda shi ya mutu tun shekarar turawa na alif da dari tara da arba'in da tara (1949) kawo yanzu yana da shekaru saba'in da daya (71) a kasa . - Wannan kungiya ci gaba ne ga fikirorin khawarijawa (bayanai zasu fito in sha Allah) kuma tana da tarbiyya ne ta Sufaye tare da tsare-tsare na kungiyanci na siyasa, a karon farko ta bayyana ne ba tare da fitowa a rigar Sunnah ba, wanda hakan ya sa mutane da yawa basu karbe ta ba, bal sunyi inkarin ta musamman a yankunan Saudiyyah, Bahrain, Qatar, Kuwait, Imarat, Oman.. Musamman saboda rashin lazimtar su ga Sunnah! - Sai dai ta samu karbuwa a tsakanin wayayyun 'yan Boko zalla haka kuma 'yan inna rududu daga cikin gama-garin mutane sun tasirantu da ita (ja ya fado ja ya dauka kenan!). - Daga cikin ababen da suka yaudari mutane dashi shine bayyanar da yaki da Yahudawa abokan adawa (Zionist), tare da rufe kofar martani ga ...
قراءة المزيد
MAGANA AKAN 'YAN BID'AH DA MASU KARKATACCEN MANHAJI BA GIBA (GULMA) BACE  ❁❁❁❁❁❁       ــــــ ❁❁❁❁❁❁ ـــــ       ❁❁❁❁❁❁ Fatawar Shaikh Muhammad Bin Sāleh Al- Uthaymeen (Allah ya jikansa) : ❍ الشيخ محمد بن صالح العثيمين : السّـؤال : الكلام في أهل البدع ، مثل أن يقال مثلاً: أنهم يؤولون الآيات والأحاديث، ويقولون: يفعلون كذا وكذا.. أيعتبر هذا غيبة إذا كان بين الطلبة ؟ Tambaya: Magana akan 'yan Bid'ah, kamar misali ace: sunayin tawilin ayoyi da hadisai, kuma suna aikata kaza da kaza, shin wannan ana daukarsa giba (gulma) ce in ya kasance a tsakanin dalubai ne? »» الجواب: الكلام في أهل البدع ومن عندهم أفكار غير سليمة أو منهج غير مستقيم، هذا من النصيحة وليس من الغيبة ، بل هو من النصيحة لله ولكتابه ولرسوله وللمسلمين ، فإذا رأينا أحداً مبتدعاً ينشر بدعته ، فعلينا أن نبين أنه مبتدع حتى يسلم الناس من شره ، وإذا رأينا شخصاً عنده أفكار تخالف ما كان عليه السلف فعلينا أن نبين ذلك حتى لا يغتر الناس به ، Amsa: Magana akan 'yan Bid'ah da ma...
قراءة المزيد

MADAKHILAH?!

صورة
 *SO DA DAMA MAI DA'AWAR NEMAN GASKIYA DA ADALCI YANA AUKAWA CIKIN TAFARKIN AZZALUMAI BA TARE DA YA SANI BA!* So tari zakaga mutane masu son addini da adalci ga bayin Allah, sai suyi rashin dace sai su auka tarkon mabarnata fasikai basu sani ba, yana da kyau ya kai mai amfani da Facebook, ko mai neman gaskiya, ya kasance da gaske gaskiyar kake nema, ba yawan mabiya ko masu yin muwafaka da ra'ayin ka kake nema ba, ya kasance gaskiya ce abar neman ka, kuma da gaske, ka saki ta'assubanci, domin duk mai son ya zama "Salafi" (ma'abocin Sunnah na gaskiya) to sai ya yakice rigar ta'assubanci ya wurga wa shedan kayan sa, domin ta'assubanci ba tufafin mumini bane, kuma wuyan rigar gaskiya da adalci tayi kunci ga fasikai masu bada kariya ga 'yan Bid'ah da son zuciya. Idan ka gane wannan, zaka ga marubuta da yawa masu da'awar su ma'abota Sunnah ne, wani ma zakaji yana cewa shi mabiyin Tafarkin Salaf ne, zaka dinga cin karo da maganganun Ibnu Taimi...
قراءة المزيد