دار المحجة البيضاء السلفية

RABA NI DA BONONO RUFIN KOFA DA BARAWO! (11) FIKIRORIN DA SUKE KARFAFAR GINSHIKAN SURURIYYAH (06) (v) Fikira ta shida ita ce: hada mutane a kan ka'ida mai suna "قاعده المعذرة والتعاون" ma'ana: "ka'idar bayar da uzuri da taimakekeniya", ma'ana: idan dan Ikhwan yayi kowace irin barna ce to ba za'ayi martani gare shi ba, kuma ba za'a kushe shi ba, wanda hakan yana bayar da babbar gudummawa wajen lalata addini daga tushen sa, ta hanyar rufe kofar umurni da kyakyawa da hani daga mummuna wanda ya kunshi ayi cin gyara ga duk wanda ya saba, kuma a soki wanda ya cancanci suka a shar'ance, wacce kuma ita wannan ka'ida a wajen 'yan Ikhwan ka'ida ce ta zinariya, suna cin moriyar wannan ka'ida ne wajen kame baki a kan barnar wa'yanda suke tarayya dasu domin cimma hadafofin su na siyasa da kungiyanci (hizbiyyah) . Lura da hadurran dake cikin wannan la'ananniyar ka'ida ta Ikhwan wanda ya hada da kamanceceniya da wa...